Gutaz

Ikerbasque, Zientziarako Euskal Fundazioa 2007 urtean jaio zen Eusko Jaurlaritzaren eskutik, Euskadiko Zientzia Sistema sendotzeko helburuarekin, talentu ikertailea erakarri eta indartzeko programen eta ikerkuntzaren dinamizaziorako ekintzen bitartez.

Ikerbasquek ikertzaile iraunkorrak eta etorkizun handiko ikertzaile gazteak kontratatzen ditu, Euskadiko unibertsitate eta ikerketa zentruetan lan egiten dutenak. Ikertzaile talde honek 4.500 argitalpen zientifiko argitaratu ditu eta 120 milioi euro lortu ditu ikerketa proiektuetarako. Maila guztietako ikertzaileak kontratatuz eta azpiegitura eta tresna zientifikoetan inbertituz Euskadiko ikerkuntza sustatzeko erabiltzen da finantzazio hau.