José Martínez Hernández, UPV/EHU-ko ikerlariak, Grenobleko Neurozientzien Institutuko ikerketa batean parte hartu du. Lan honetan, neuronen zito-hezurdura Alzheimer gaixotasunean inplikatuta dagoela frogatu da.
Ikerketa honek beta-amiloide peptidoen presentzia (Alzheimer gaixoen garunetan azaltzen diren plaken konposatuak) eta dendriten arantzen aktinaren zito-hezurduraren dinamismoaren galera azkarra aurkezten du. Dinamika galera honek dendriten arteko informazio transferentzia oztopatzen du, neuronen ahalmen sinaptikoa oztopatuz.
Aurkikuntza garrantzitsu hau Journal of Neuroscience aldizkari ospetsuan argitaratu da, Neurozientzien arloan aldizkari garrantzitsuenerikoa delarik mundu mailan.
Informazio gehiago izateko: DOI: 10.1523/JNEUROSCI.1409-18.2018
.png)
